Torna toote hue dil ka bura hota hai
Jis ka koi nahi us ka to Khuda hota hai.
Mang kar khushi loon kisi se mujhe manzoor nahi
Are kis ka maangi hui daulat se bhala hota hai.
Log naahak kisi majboor ko kahte hain bura
Aadmi achhe hain par waqt bura hota hai.
Kyon Mahtab apni tabahi ka ye kaisa shikwa
Jaisa taqdeer mein likha hai ataa hota hai.
Mahtab Alam (Mushk)
Subscribe to:
Post Comments (Atom)
No comments:
Post a Comment