Zakhmon ko soz-e-dil se jo bharta to baat thi
Tu dard ban kar dil mein utarta to baat thi.
Mere kisi bhi dukh ka rishta na tha magar
Har dukh teri ataa se nikharta to baat thi.
Dil torna to kaam hai tera, is mein kamal kya
Tu bach ke is sitam se guzarta to baat thi.
Patthar ke ho rahe the jahan mein tamaam log
Wahan zindagi ki tarah tu thaharta to baat thi.
Phir dekh lete hum bhi jahan ki jurratein
Ruswayion se jo tu na darta to baat thi.
Mahtab Alam (Mushk)
Subscribe to:
Post Comments (Atom)
No comments:
Post a Comment