Ye Kamiyabian Izzat Ye Naam Tum Se Hai
Khuda Ne Jo Bhi Dia Hai Maqaam Tum Se Hai.
Tumhare Dam Se Hain Mere Lahoo Mei Khilte Gulab
Mere Wajood Ka Saara Nizaam Tum Se Hai.
Kahan Bisat-E-Jahan Aur Main Kam Sin-O- Nadan
Ye Meri Jeet Ka Sab Ehtemaam Tum Se Hai.
Jahan Jahan Hai Meri Dushmani Sabab Main Hoon
Jahan Jahan Hai Mera Ehteraam Tum Se Hai.
Mahtab Alam (Mushk)
No comments:
Post a Comment